Blender

من فتره لما كنت بحاول اعمل مقارنه بين برامج "الثرى دى" وصلت للبرنامج ده، الكلام ده كان من حوالى سنتين او ثلاث سنين، لفت نظرى انه برنامج مجانى وهايفضل مجانى بدون اى مقابل غيرانك لو حبيت تتبرع للشركه اللى بتنتجه، ساعتها قلت اكيد مادام مجانى يبقى برنامج ضعيف ومش قد "الثرى دى ماكس" ولا "المايا"، بس قلت انزله واجربه وفعلا نزلته واستغربت لما لقيت ان حجم البرنامج مايعديش 30 ميجا، ايه ياجماعه برنامج "ثرى دى" بالحجم ده، وشغلت البرنامج واذا بقى كانه بالغه الهندى الواجهه بتاعه البرنامج مرعبه، حاجه مختلفه خالص عن البرامج اللى نعرفها يعنى حتى واجه "الزى برش" افضل شويه عنه المهم اتعقدت وقلت بلاش اضيع وقت ومسحت البرنامج فتره تعدى والاقى افلام قصيره ومشاريع خاصه معموله بيه واكتشف ايه بقى، ان البرنامج المجانى ده بيعمل كل حاجه مش "ثرى دى" بس يعنى حتى سبقى الماكس والمايا في القوه ولما ققصد القوه بتكلم على الداينامكس وحركه السوائل والشعر والقماش وأى اضافات مش موجوده فى باقى البرامج قلت انزله واجربه وبعد ما اسطبه على الجهاز اشوف الواجهه بتاعته اتعقد وامسحه تانى عملت الحركه ديه يجى 3 مرات

اسطبه يفضل يوم وامسحه بس خلاص خدت قرار فعلا انى احاول اتعلمه اكيد هايفيد وخصوصا انه مجانى والاكتر من كده انه بيعمل كل حاجه من الاول للاخر 

Blender

من مميزات البرنامج:

  Sculpting

 تقدر تصمم وتبنى عليه اى مجسمات Modeling زى أى برناج بالاضافه انه بينحت زى الــ Mudbox بوكس والــ  ZBrush

واظن انه اقوى من المد بوكس وققل من الزى برش فى النحت

Hair & Fur

 الشعر والفر بيتعملوعليه بمنتهى السهوله فى الوقت اللى الماكس كان لسه بيبتدى فى الموضوع ده ولحد دلوقت اظن مع انى ماجربتهوش بس اظن انهم اقوى واسرع فى الــ  Blender

Fluid Simulation

بيعمل مؤثرات البارتيكليز والجزيئات باحترافيه بالأضافه الى حسابات الفيزكس والداينامك اللى الماكس لسه مفكر يضفها فى التحديث الخاص بنسخه 2013 وقبل كده ماكنتش تقدر تحصل عليها داخل الماكس بدون استخدام plugins  زى

 orbaz PF tools: box 2 او thinking Particles

كل ده بالاضافه للأهم والأقوى بيعمل حركه الموائع والسوائل كويس جدا كل ده لسه الماكس مابيعرفش يعمل المؤثرات ديه من غير برامج اضافيه. مافيش غير المايا والسوفت ايمدج اللى هيا برامج ثرى دى تبع اوتوديسك اللى بتعمل سوائل بس اظن ان البليندر اقوى فى السوائل بس اكيد مش زى الريل فلو ولا نايد وبرده مش متأكد لأنى ماجربتهوش لسه

Tracking - Compositing - Keying - Roto

كأنك شغال داخل برنامج الــ Nuke الــ Nuke X كمان

يعتمد على نظام Node زى النيوك بالظبط بس اكيد مش فى نفس القوه بس بيعمل تراك للصوره وبيفصل الكروما وبيصحح الوان بالظبط كأنه برنامج Compositing متقدم جدا لانه بيعمل 3D Tracking

Game Engine

مبنى فى داخل البليندر محرك العاب تقدر تعمل العاب من داخل البليندر مباشره

كل ده يخلينا لازم نتعلم Blender

برنامج متكامل تقدر تعمل كل حاجه عليه مش محتاج انك تخرج تروح لبرنامج تانى تخلص خطوه بعدين ترجع تكمل شغل. هوه برنامج واحد لكله وفى الاخر مجاااااااااانى،

بس اللى عايز اتأكد منه يقدريشيل مشاريع كبيره زى فلم كامل ولا لأ والرندر بتاعه سريع وقوى ولا لأ، بس هوه فيه شغل خرج منه زى اخر فلم قصير معمول من اوله لاخره فى البليندرعلشان يبين امكانياته هاضيفه مع البوست ده ده غير افلام كتيرقصيره ومشاريع افراد خارجه من عليه بس اللى مخلينى متردد، انه مش منتشر، مش كتير اللى بيشتغل بيه، مش عارف ممكن يكون علشان صعب والواجهه بتاعه غريبه ممكن وممكن كمان يكون الرندر بتاعه مش واقعى لدرجه الفيراى والمينتال راى ولا فى قوتهم

ده شوريل 2011

Blender Siggraph 2011 reel

ده اخر فلم لايف مؤثرات وخيال علمى مستخدمين فيه كل قوه البليندر ومش مستخدمين معاه اى برنامج ثرى دى او كومبوسيتينج، فقط البليندر

 الفلم الرابع "مفتوح المصدر"

Tears of steel

موقع الشركه لمعلومات اكثر وبيبيعوا عليه المشروع كا مكتبات وموديلز وفيديو
 http://www.tearsofsteel.org

ده فيديو بيوضح خطوات العمل لمشهد من المشاهد وبيبين قد ايه ان البليندر يقدر يعمل المهمه من اولها لاخرها

   ده فلم انيميشن معمول باستخدام البليندر

الفلم الثالث" مفتوح المصدر"

Sintel

لعبه معموله بالبليندر