3DS Max 2013 and 3D Max 2013 Extension (new)

 التعديل فى نسخه الماكس الجديده 2013 بسيط مش زى ما الواحد كان متوقع بس خطوه معقوله

بدايةً:

  خطه اوتوديسك لتطوير الماكس على 3 مراحل مسمينها الــ  XBR وظنى ان الماكس هايبقى ماكس 2013 ثم ماكس 2014 لحد مايوصلوا للمرحله الاخيره وهايبقى اسمه مضاف اليه XBR

الثلاث مراحل تهدف الى: 

تطوير الــ UI او شكل البرنامج وسهوله ترتيب وتعديل اماكن النوافذ والادوات

و تحسين اداء البرنامج واستيعابه لمشاهد اثقل واكبر وانه يفتح فى وقت قياسى وسريع 20 ثانيه وانه يستخدم جزء صغير من الرام أول مايفتح حوالى 200 ميجا ومايعملش Load غير للأدوات والأضافات اللى بنستخدمها وده هايسرع وقته فى الفتح ويخليه خفيف وتحسين اداء الــ View ports

والأهم يمكن بالنسبالى انهم هايخلوا نظام الداينمك موحد زى  nDynamics بتاع المايا

بمعنى ايه موحد؟؟

فى المايا واللى بيستخدمها عارف انه ممكن يعمل نظام Simulation كامل يقدر يعمل:

 Cloth ويتأثر بالـ particles ويتأثر بالـ Rigid body's والــ Soft body's ويبقى النظام كله حاسس ببعضه عكس الماكس خالص لحد فتره قريبه

مشروع الــ XBR بيهدف انه يخلى فى الماكس نظام داينمك موحد unified dynamic system اسمه mDynamics

وده ابتدى مع ماكس 2013 (الجزء الخاص بالداينمك) لما ضافو mCloth وطبعا بتتأثر بالـ Simulation بتاعه الــ Rigid body's قبل الـ mCloth كان فيه cloth ضايفينه فى قايمه الــ MassFX بس كان ضعيف جدا وليه شروط ومراحل كتير بتعدى عليها علشان تشتغل بيه، بس مش لازم نحكى فيه مادام خلاص اتغير وضافوا الجديد، على قد ان حتى الجديد مش عاجبنى قوى ومش سريع زى ماكنت متخيل 

MassFX Enhancements

وللعلم:

السرعه متوقفه على قوه كارت الشاشه ومحرك الــ Physics اللى في الكارت علشان كده وجه نظر شخصيه كروت الــ Nvidia افضل من كروت ATI وغير الــ Physics فى النقطه اللى تحت الى هانتكلم فيها الخاصه بالــ IRay بيعتمد بشكل كبيييير على قوه معالج داخل كروت الــ Nvidia يسمى الــ CUDA وديه مهمه جدا برضه فى برامج الـ Compositing و الــ Editing يعنى حتى مهمه للمونتاج

طبعا فيه فى نسخه الماكس 2013 تعديلات تانيه كتير زى معالجه مش عارف كام خطأ كانوا بيعملو كراش للماكس

وتحسين الــ  View ports وجعلها تعرض الـ DOF والــ  Bokeh وتحسين الــ IRay لــ IRay 2.0 (نظام ريندر  بيعتمد على قوه كارت الشاشه بجانب المعالج)

وسرعه الربط مع باقى عيله الــ AutoDesk  ومع الافترإيفكتس 

  3D Max 2013 Extension (new)

فى التحديث ده اللى لسه نازل من كام يوم فى مؤتمر siggraph 2012 ضافو للماكس نظام الـ mParticles

اللى هوه particles المفروض تكون بتتفاعل مع نظام الــ Physics ككل (مرحله من مراحل الــ XBR
زى ماوضحت فى النقطه اللى فاتت).
بس اللى لاحظته واللى هايلاحظه أى حد اتعامل مع Orbaz particles tools Box 2 & Box 3*
أول مايشوف تحديث الماكس الجديد ان Box 2 & Box3 هوه هوه نفس الــ mParticles مع تغير شويه فى المسميات بس لسه ماجربتهاش بشكل عملى فا مش هاقدر احكم اذا كان الــ Box 2 & Box 3 نزل كله فى الماكس ولا جزء منه

Particle Flow mParticles

Particle Flow Cache Operators

Particle Flow Data Operators

*اللى مايعرفش  Orbaz particles tools Box 2 & Box 3 هيه ادوات بتضاف للماكس داخل Particles Flow وبتضيف له امكانيات رائعه واهمها محرك الــ Physics وبيخلى الــ Particles تتفاعل مع بعضها وتتصادم حسب شكل كل جزئ ده غير Box 3 اللى كان بيضيف عمليات حسابيه وأوامر وحالات كانت صعب تتعمل من غير كتابه كود