ZBrush 4R4

ماجتش فرصه انى اتكلم معاكم على اصدارات البرنامج القديمه اللى بستناها بفارغ الصبر وبتهوسنى الادوات والتحديثات اللى فيها منها على سبيل المثال وليس الحصر خاصيه  Dynamesh وديه تبهر اى حد اللى متابع عارف ان الخاصيه ديه بتمكنه انه ينحت اى مجسم من اى مجسم تانى بمعنى ممكن من Box نحوله لشخصيه لان الخاصيه ديه بتعمل generate polygons حسب احتياجك وتبتدى توزع النقط على المجسم بالتساوى كل لما تعمل ريفريش

لو بصينا هنا مثلا على  يد الشخصيه هاتلاقى ان البولى جانز قلت جدا وانك هاتوصل لنقطه انك مش هاتقدر تضيف تفاصيل تانى بس بالــ ديناميش تقدر تعمل ريفريش ويقوم موزع نقط تانى على المجسم كله بالتساوى مع المحافظه على المناطق اللى فيها تفاصيل ومحتاجه كثافه اعلى.

الخاصيه ديه بقيت استخدمها علطول وممتعه جدا وخصوصه انك تقدر تضيف مجسمات وتلحم المجسمين مع بعض يعنى مثلا تقدر تجيب اذن من شخصيه وتحطها فى شخصيه تانيه

من التحديثات القويه الــ fiber mesh لعمل الشعر والفرو فى البرنامج بأدوات متقدمه جدا لعمل القصات مع ان البرنامج بيشتغل بملاين البولى جانز هاتبقى شايف الشعر كويس وازاى تعمل القصه

 وممكن اكتر من كده تعمل بيها اشجار وغابات لانك تقدر تستخدم اى مجسم بدل الشعر وتقدر تعمل شعر من الشعر

كل اللى فات ده حماده واللى جاى حماده تانى خالص، ايه فايدة الكلام ده لو مش هانقدر نستخدمه فى شغلنا اننا نحرك الكاركتر وده طبعا صعب لأن الــ Dynamesh بتخرج بولى جانز كتيير و الــ flow بتاعها ماينفعش خالص نشتغل بيه والشعر كمان ايه فايدته لو مش هانقدر نحركه ونعمله داينامكس" احنا ممكن نصدره موديل عادى "

فى الأول بالنسبه للشعر فكرت انه يتعمل اسكربت يحول الــ polygons لــ Curves نقدر نستخدمها فى الثرى دى ماكس كا Guide للــ Hair and fur بتاع الماكس، وفعلا لقيت اسكربت كتير نزل للماكس والمايا بيعمل الموضوع ده

وبعد كده الزى برش فاجئنا فى الاصدار الجديد بانه ضاف طرق مختلفه لتصدير الشعر للبرامج ومنها طريقه جديده عن طريق

 Vector Displacement نوع جديد من انواع الــ Displacement شايل اتجاهات غير البارز والداخل

طب وبالنسبه للمجسم نفسه فيه كذا حل فى برامج retopology كتير قويه ده غير الماكس فيه ادوات كويسه جدا للموضوع ده

بس انا كنت عايز طريقه اسرع ووصلت لبرنامج 3D Coat اتكلمنا عنه قبل كده على المدونه ونظام Auto-Retopology

 http://worldofgfx.blogspot.com/2011/10/3.html

بس اللى عجبنى فى البرنامج واللى بنصح اى حد بيه بلاش Auto-Retopology لأن نتيجتها مش كويسه قوى غير على حاجات معينه هاتعرفها بالاستخدام، الافضل نخلى مرحله  الــ Retopology يدوى وفى الــ 3D Coat مافيش احسن ولا اسرع منها كل ده وماتكلمناش على   ZBrush 4R4

ZBrush 4R4

  بيستمر إبهار ZBrush  و رده بقوه على الــ 3D Coat

Dynamesh "ZBrush"  =  Voxel sclupting "3DCoat"

(ولكن يبقى لكل برنامج مميزاته الخاصه به)

فى اصدار الــ ZBrush الجديد

 QRemesher "ZBrush 4R4" = Auto-Retopology "3DCoat"

الاداه لسه نازله مالحقتش اجربها. هيا بتعمل mesh جديد كله Quad وتقدر تخليها تعتمد على Guides علشان تحددلها اتجاه الـ Edges هايبقى ازاى.وادوات جديده للـ  Manual Retopology

 ده غير ادوات كنت شايفها قويه جدا فى الــ 3D Coat بتعمل تكرار لاى مجسم بانتظام على خطوط ومنحنيات يعنى نقدر نعمل سلاسل وغيره دلوقت فى الزى برش

و حاجه كنا محتاجنها جدا فى الزى برش وهيا الـ blueprints أو الــ  model sheet اننا

  ندخلها للبرنامج بطريقه سريعه وسهله بدل الطريقه الممله، دلوقت سهل جدا

أظن كل اللى بيكره المودلينج كا روتين وقوانين زيى كده، دلوقت المواضيع أتغيرت. وانا مرتاح جدا

 بالــ Work Flow ده وبقى الاساسى بتاعى وحاسس انى جزء من تكوينه او تجميعه بشكل ما

 ومن مميزات الطريقه ديه أنه بيسمحلى انى اركز على جزء جزء، الجزء الفنى وانى اوصل للشكل النهائي بعد كده الجزء التقنى انى اجهز الموديل للحركه 

قايمه بكل التحديثات:

http://www.pixologic.com/zbrush/features/ZBrush4R4/feature-list

 

فديوهات خاصه بالــ Retopology

http://www.pixologic.com/zclassroom/homeroom/#digital-sculpting

فديوهات خاصه بالــ  Insert Mesh

http://www.pixologic.com/zclassroom/homeroom/lesson/insert-mesh